«Казфосфаттың» цифрлық түрленуі: мыңдаған қызметкер үшін бірыңғай кадрлық кескін
Кадрлық басқаруды цифрландыру есебінен ALGARYTM ірі тыңайтқыш өндіруші кәсіпорынның өндірістік тиімділігі мен ашықтығын жаңа деңгейге көтерді.
«Казфосфат» ЖШС — ТМД және Еуропа аумағындағы фосфорлы тыңайтқыштар мен жемдік фосфаттар өндіретін ең ірі кәсіпорындардың бірі. Компания өнімдері Еуропа, ТМД және Орталық Азия нарығына жеткізіледі. Негізгі өндірістік қуаттар Жамбыл облысында орналасқан.
2024 жылдың соңында кәсіпорын кадрлық басқаруды цифрландыру жөніндегі ауқымды жобаны іске қосты. Жобаны енгізудің ерекшелігі бастапқы кезеңінде бизнес-процестерді жүргізудің бірыңғай және қалыптасқан әдістеменің, сондай-ақ әртүрлі бизнес-бірліктерде «1С: Жалақы және персоналды басқару» жүйесімен жұмыс істеуде біртұтастықтың болмауы еді. Бұл әрбір алаңның есепті өз бетінше жүргізуіне алып келіп, деректерді біріктіруді, бірыңғай қисынды қалыптастыруды және әрі қарай автоматтандыруды қиындатты. Сондықтан ортақ ережелерді әзірлеу мен енгізу, сондай-ақ бірыңғай ақпараттық жүйені құру жобаның міндеті болды.
Негізгі мәселелердің бірі «1С: Қазақстан үшін жалақы және персоналды басқару ПРОФ 2.0» ескірген конфигурациясынан заманауи КОРП 3.1 нұсқасына көшу тұрды. 2.0 нұсқасына техникалық қолдау жақын арада тоқтатылатындықтан, бұл кәсіпорынның тұрақты жұмысына тәуекел туғызып отыр.
Бастама ALGARYTM компаниясымен бірлесіп жүзеге асырылуда және кәсіпорынның негізгі барлық филиалдары: минералды тыңайтқыштар зауыты, тау-кен өңдеу кешені, теміржол-көлік кешені, Степногорск химия зауыты және Алматы мен Тараз қалаларындағы бас кеңселерді қамтиды. Цифрландыру сонымен қатар «Казфосфат ШБ» және «KazChemicals Trading House» компанияларына қатысы бар.
Жобамен жұмыс кезеңдерге бөлінді. Алдымен ALGARYTM мамандары бизнес-процестерге талдау мен зерттеу жүргізіп, деректерді көшіру жоспары мен бірыңғай ережелерді әзірледі. Кейін филиалдардағы ақпаратты бірыңғай дереқорға көшіру, жүйені қалыпқа келтіру және оны салалық ерекшеліктерге бейімдеу жұмыстары жүргізілді. Жобаны енгізу барысында әдіснамалық міндеттерді шешу, атап айтқанда кәсіпорынның барлық бизнес-бірліктеріндегі тәсілдерді біріктіру үшін кадрлық және есеп айырысу есебін жүргізудің бірыңғай ережелерін қалыптастыру көзделді.
КОРП 3.1 енгізу «Казфосфатқа» ескі бағдарламалық жасақтаманы қолдауы тоқтағаннан туындайтын істен шығу тәуекелін жоюға, сүйемелдеу шығындарын азайтуға, есеп айырысу мен есептілік үдерістері жеделдетуге және заңнама талаптарына сәйкестікті қамтамасыз етуге мүмкіндік береді. Бұл компания үшін жұмыстың ашықтығын және тиімділігін арттыратын бірыңғай ақпараттық жүйені құруға бағытталған маңызды қадам болып табылады.
«Біз үшін бұл жоба — персоналды басқарудың заманауи бизнес пен заңнама талаптарына сай келетін бірыңғай цифрлық кескін құруға бағытталған маңызды қадам. ALGARYTM командасының үйлесімді жұмысына алғысымызды білдіреміз, әсіресе жаңа ұзартылған жұмыс кестелерін есептеу үлгісін бейімдеу және модельдеу процестерін тиімді ұйымдастырғандарын ерекше атап өтеміз», — деді «Казфосфат» ЖШС-ның HR-директоры Қайрат Болатов.
«Жобаның күрделілігі оның ауқымында және әртүрлі алаңдардағы бизнес-процестердің алуан түрлілігінде жатыр. Дегенмен дәл осындай міндеттер цифрландыру мүмкіндігін толық іске қосуға және тапсырыс берушіге уақыт пен қорларды тиімді әрі нақты үнемдеуге мүмкіндік береді», — деп ALGARYTM тобының атқарушы директоры Юлия Гуркина айтты.
Жаңа жүйе компанияның кадрлық және есептік кескінін біріктіріп, 3,5 мыңнан астам қызметкер бойынша бірыңғай есеп жүргізуді және 80-нен астам пайдаланушының жұмысын қамтамасыз етеді. Болашақта еңбекті қорғау міндеттерін автоматтандыру үшін шешімдерді енгізу жоспарлануда.