"Қаратау" тау-кен өңдеу кешені

"Казфосфат" ЖШС филиалы "Қаратау ТКӨК" фосфорит кенін өндіру және қайта өңдеу жөніндегі тау-кен комбинаты болып табылады.

Фосфориттерді өндіру Көк-жон және Жаңатас кен орындарында жүзеге асырылады.

Қаратау бассейніндегі фосфор-шикізат базасының негізгі артықшылықтары:        

- негізінен бірқатар ірі, жүздеген миллион тонна кен, кен орындарына шоғырланған орасан зор қорлар. Геологиялық қорлардың көлемі: 1.41 млрд тонна фосфорит кені;

- бастапқы кендегі Р₂О₅ пайдалы компоненттің салыстырмалы түрде жоғары (21-25%) концентрациясы;

- өнеркәсіптік игерілген және жайластырылған өңірде, Қазақстанның негізгі мақта және қызылша егетін аудандарына және фосфор тыңайтқыштарының ірі тұтынушылары болып табылатын Орталық Азия елдеріне тікелей жақын жерде аумақтық орналастыру.

Шығарылатын өнім:

- экстракцияға арналған ұсақ ұнтақталған (фосұнтағы) фосфат шикізаты (MAP, DAP алуға арналған шикізат).

Бұдан басқа, Тоғызбай және Дөңгелек кен орындарында әрлеу жұмыстары үшін блокты тас өндіру жұмыстары жүзеге асырылады.