"Минералды тыңайтқыштар" зауыты

 Тараз қаласындағы "Казфосфат" филиалы "Минералды тыңайтқыштар"  зауыты ЖШС ауыл шаруашылығына арналған минералды тыңайтқыштар, жемшөптік фторсыздандырылған фосфат шығаратын химиялық зауыт болып табылады. 2022 жылы "Аммофос-2" тыңайтқыштар өндірісінің екінші желісінің ашылуы мен іске қосылуы салтанатты түрде өтті, бұл дайын өнім өндірісінің көлемін жылына 1 млн тоннаға дейін ұлғайтуға мүмкіндік береді.

Зауыт 449,2 га аумақты алып жатыр және оның құрамында келесі негізгі өндірістер бар:

• аммофос
• сульфоаммофос
• азықтық үшкальций фосфаты
• фосфогипс

Шығарылатын өнімнің көп бөлігі ішкі нарықта сатылады.

Отандық ауыл шаруашылығы өндірушілері үшін тыңайтқыштарды субсидиялаудың мемлекеттік бағдарламасы бірнеше жылдан бері қолданылып келеді.

Сонымен қатар, тыңайтқыштар Еуропа, ТМД, Орталық Азия нарықтарында сатылады.